Fyrbygningen var opphavleg bygd som kombinert fyrstasjon og bustad. Spor etter den første fyrlykta kan ein framleis sjå framme i fyrbygningen mot vest. Fyrtårnet mot aust som i dag står, vart bygd av tyskarane under krigen.
Obrestad er eit "kystfyr" av 3. grads orden, og lysrekkevidden er 16,7 nautiske mil. Tåkeluren og trykktank, kalla "stuten på Obrest" kan ein framleis sjå på loftet. Andre rom synar små spor etter livet på fyret gjennom små skiftande utstillingar, m.a. om kvardagsliv på fyret, soldatlivet under 2. verdskrigen og veggmåleri i kjellaren, om Obrestad garden o.a. Frå 2008 husar og fyret ei utstilling om dei som bygde fyra: Fyrbyggerane.
På Obrestad blei det bygd ny fyrvaktarbustad av tre i 1902, så kom fyrbetjentbustad ("Rundehuset") i 1949 og til slutt familiebustad ("fyrmeister og hybel") i 1969. Hå kommune tilbyr overnatting og det er høve å leiga seg inn for å oppleva stemninga her for alle.