Utstillinga HAVET INNAFOR syner to omfattande videoverk / lydinstallasjonar (lydverk ved musikar og komponist Jon Balke) som held seg i krysningsfeltet mellom biletkunst, scenekunst og musikk. Projiserte biletflater rører på seg i ein romleg rytmisk atmosfære som bryt med arkitekturen i den monumentale løa, samstundes med at arkitekturen speler ei rolle i opplevinga. Tematisk knyt Myskja sine arbeid seg til kompleksiteten i samanheng med språk, persepsjon og identitet, og korleis desse let seg påverke av tida og rommet ein oppheld seg i.
Danseperformance som del av utstillinga HAVET INNAFOR: Koreograf - Ingri Fiksdal. Danserar - Thea Dolmen, Viljar Moe, Inez Castell og Therese Markhus
Tone Myskja (f.1961) er utdanna innan teaterdesign, skulptur og video/media ved kunstakademi i Oslo, Antwerpen og London. Ho har sidan 1993 hatt ei rekkje gruppe- og separatutstillingar hovudsakleg i Noreg og England (Lillehammer kunstmuseum, Oppland kunstsenter, Henie Onstad kunstsenter, Veneziabiennalen 2002) . Sidan år 2000 har ho i tillegg arbeida med sceniske førestillingar, konsertar og danseforestillingar som har turnert i Europa og Amerika. Myskja er innkjøpt av fleire offentlege samlingar (Lillehammer kunstmuseum, Nordiska akvarellmuseet, Norsk kulturråd og Nasjonalbiblioteket).
https://www.tonemyskja.com/
Foto: Thomas Tveter