Dei fortel om verka og arbeidet fram mot opninga.
Kl. 13.00 Lars Sandås
Kl. 13.30 Tove Kommedal
Oppmøte i utstillingsrom.
Vanleg inngangbillett gjeld.
Om utstillingane:
Tove Kommedal
POST
Skulptur / installasjon
Utgangspunktet for prosjektet er ei omfattande samling av pelsmateriale frå den nedlagde familieverksemda Olaf Pettersen & Co, ein skreddar og pelsmakar i Stavanger. Desse materiala fungerar som berebjelkar for historiar og minne frå ei næring som no er i ferd med å forsvinne frå den norske kulturarva. Gjennom kunsten søkjer Kommedal å gi materialet ein symbolsk gest av takksemd, samstundes som ho utforskar den djupgåande historiske og kulturelle betydninga.
Tove Kommedal (f. 1970) debuterte på Vestlandsutstillinga i 2004. Ho har lenge arbeidd med underliggjande konsept og tematikk i ei utstillingsretta praksis – som tek form gjennom ulike metodar og fleire teknikkar som installasjon, teikning, silketrykk, collage, tekst og film. Kommedal har deltatt på fleire separatutstillingar og gruppeutstillingar nasjonalt og internasjonalt. Høgdepunkt inkluderer separatutstillingar som Oksymoron ved Østfold kunstsenter i 2022 og Definisjonsmakt, vist på Oppland kunstnersenter, Lillehammer i 2017 og Hå gamle prestegard i 2015. Av gruppeutstillingar kan nemnast: Høstutstillinga 2024, FARGE på Arkivet, Tou Trykk, Stavanger 2023, Konstruksjonar, KinoKino Kunstsal, Sandnes 2022/23 og Fra balkongen, Stavanger kunstmuseum 2020. Kommedal har motteke fleire stipend, inkludert Rogaland fylkeskommune sitt kulturstipend 2024, Stavanger kommune sitt arbeidsstipend 2023 og støtte frå Billedkunstnernes Vederlagsfond (2006–2023). Kommedal er invitert til kunstnarlege intervensjonar i offentleg rom og institusjonar som BALLAST, Find Your Eyes #4 (kurator Monika Wuhrer, USA), Kulturøya Sølyst, Stavanger i 2018, og Echo (2014), samt utstillinga Hvem eier historien ved Stavanger kunstmuseum i 2014. Kommedal har fått internasjonal anerkjenning med kunstfilmar vist på Nordisk Salong (2019), Charlottenborg (2018) og Taiwan International Video Art Exhibition (2015).
Utstillinga er støtta av Norsk kulturråd, Regionale prosjektmidlar (KIN), Statens utstillingsstipend, Norske Billedkunstneres Vederlagsfond, Stavanger kommune og Rogaland fylkeskommune. Kunstnaren sine filmprosjekt er støtta av Filmkraft AS og Fond for lyd og bilde.
Lars Sandås
PRE-APOCALYPTIC
Måleri / teikning / grafikk
Lars Sandås synar utstillinga PRE-APOCALYPTIC, som består av to ulike prosjekt: Deep fried World og Apocalypse 1993.
Deep fried World tematiserer korleis overkonsum pregar dei fleste aspekta av samfunnet vårt, og korleis dette konsumet bidreg til å øydeleggja livsgrunnlaget vårt. Grunnleggjande drifter i mennesket, som appetitt, seksualitet og behovet for fellesskap, blir utnytta av marknadskrafta på måtar som skapar framandgjering. Sandås undersøkjer korleis me menneske opplever dette– i liva våre, i kroppane våre og i kjenslene våre.
Apocalypse 1993 problematiserer radikalisering, konspirasjonsteoriar og masseskytingar ved å undersøkja dei mange «sidene» til sektleiaren David Koresh. Koresh leidde dommedagssekta Branch Davidians i Waco, Texas fram til 1993, då politiet omringa hovudkvarteret deira. Beleiringa ende i ein brann som førte til at 82 menneske som var medlemmar i sekta døydde, mellom dei 20 born.
Lars Sandås (f. 1984) er biletkunstnar frå Oslo, utdanna ved Khio i 2009. Han jobbar med teknikkar som grafikk, teikning, måleri, skulptur og bok arbeid som tek opp mange dagsaktuelle tema, alt frå urett, vald og utanforskap, til tap av natur- og kulturarv. Han har stilt ut ved mellom anna Galleri BO, Norske Grafikere, IKM, Podium, Spriten Kunsthall, Visningsrommet USF, Oppland Kunstsenter, Østfold Kunstsenter, Telemark Kunstsenter, Nasjonalmuseet og Østlandsutstillinga. Nokre av dei mest sentrale arbeida hans er kunst i offentleg rom-prosjektet Små monumenter (2019) og bokprosjektet Narkoatlas – Oslo (2016), som begge handlar om historia til det opne rusmiljøet i Oslo.