I samband med avslutninga inviterer vi til omvising i begge utstillingane:
13.00-13.40 TRANSHEMISPHERIA blir presentert av ekstern kurator Daniela Arriado
13.50-.14.30 VERNEUTSTYR blir presentert av programansvarleg og kurator ved Hå gamle prestegard, Nils-Thomas Økland
Daniela Arriado er rådgjevar, kurator og kulturgründer dedikert til samtidskunst og ny teknologi. Som grunnleggjar og kunstnarisk leiar av Art Republic og Screen City Biennial (SCB), som er dedikert til det utvida levande biletet, har ho samarbeidd med internasjonalt anerkjende kunstnarar og organisasjonar for å realisera framtidsretta utstillingar, offentlege kunstoppdrag og omsytande opplevingar. Arbeidet hennar speglar eit sterkt engasjement for å fremja dialog mellom kunst, digital kultur og samfunn, med fokus på å skapa transformative kulturelle opplevingar som ofte resulterer i prosjekt som utvidar dei tradisjonelle grensene for utstillingsformatet.
Om utstillingane:
VERNEUTSTYR
Kunsthandverk
15. november – 11. januar
Gruppeutstilling med Gro Gjengedal, Felieke van der Leest, Helle Mellemstrand, Karin Forslund, Kristina Austi, Jens Erland, Matthew Coutts, Marianne Berg, Karen Erland, Linnea Blakeus Calder, David Calder, Camilla Løken Hill, Astrid Sleire, Eirin Bjørsland Hansen, Maria Almås Frantzsen, Fie Von Krogh.
Kuratert i samarbeid med ELEMENT kunstgruppe
I samband med at Norske kunsthåndverkere skulle feira sitt 50-årsjubileum blei 16 kunstnarar inviterte av Hå gamle prestegard og Element kunstgruppe, til å tolka omgrepet VERNEUTSTYR. Kuratorgruppa har valt kunstnarar som arbeider konseptuelt med samtidskunsthåndverk med utgangspunkt i situasjonen i verda og samfunnet slik det ser ut i dag.
TRANSHEMISPHERIA
Michelle-Marie Letelier
Installasjon / tekstil / VR / film
15. november – 11. januar
Kuratert i samarbeid med Daniela Arriado
I Transhemispheria inviterer me publikum inn i eit kunstnerisk univers der forsking, økofilosofi og sanseerfaring møtest. Utstillinga tek oss med inn i medvitsstraumane til vill og oppdretta laks, kor dei paradoksale levekåra til desse levande vesena blir erfart i poetisk og mytisk form.
Vanlig ingangsbillet gjeld
Oppmøte i resepsjon