Besøk

Last ned kartet her (PDF, 858 kB)

Tilgjengelegheit

På grunn av vår verna og freda bygningsmasse er Hå gamle prestegard og Obrestad fyr diverre ikkje ideelt tilpassa for rullestolbrukare. Vi hjelper dykk gjerne med informasjon og assistanse - ta gjerne kontakt i resepsjonen ved adkomst.

• Toalettene følgjer åpningstidane til resten av anlegget.
• Vi har HC toalett i resepsjonsbygget. Her finn dykk og stellerom
• Det er grei tilgang til resepsjonen, samt gallerirommene Gamle fjoset, Stallen og Nye fjoset.
• Spør vår besetning om assistanse for tilkomst til: 
  • Kafé (via sammenleggbar rullestolramp), 
  • Nye Løå (via rullestolramp) 
  • Kunstbutikken (via heis).
• Utstillingen SPOR er lokalisert i kjelleren på Jærhuset, her er det diverre ikkje heis.
• Obrestad Fyr er kun tilgjengelig via trapp

Hå gamle prestegard

(Billett og årskort på Hå gamle prestegard gjeld og på Obrestad fyr)

• Vaksne/honnør/ student: kr 75,-
• Born under 16 år: Gratis
• Årskort: kr. 300,-
• Gruppebillett (minst 10 personer) kr 60 pr. person.
• Omvising i utstillingane kr 1 200,- inkludert inngangsbillett.
• Skoleklasser m/ lærer i videregående skole/høyskole får gratis inngang etter avtale. 

Obrestad fyr

(Gjeld kun på fyret)

Vaksne kr 50,-
Born under 16 år: Gratis.

Parkering

Det er lettast å kome til Hå gamle prestegard med bil. Vi har gratis parkering og god plass.

Obrestad fyr har eigen parkeringsplass. Merk at ein ikkje kan kjøyre helt opp til fyret, da gårdstunet er verna.

Det er ikkje lov å overnatte i bobil på parkeringsplassene på prestegarden eller Obrestad fyr.

Adkomst uten bil

Det det ikkje kollektiv transport heilt fram til Hå gamle prestegard. Men på utstillingopningane tilbyr vi gratis transport til og frå togstasjonen på Nærbø. Les meir om dette i arrangementsbeskrivelsen for kvar utstillingsopning.

Samtidskunst

Hå gamle prestegard er i dag arena for samtidskunst. Her kan du kan oppleva biletkunst, installasjon, skulptur, kunsthandverk og kulturhistorie. Utstillingane famnar om norsk, nordisk og internasjonal samtidskunst. Vi har skiftande utstillingar i visningsromma Stallen, Gamle fjoset, Mellomlåven, Nye fjoset og Nya løå. 

Er du på jakt etter nysgjerrige møte og nye perspektiv? Der havet møter historia, ventar ein levande visningsstad for samtidskunst. I verneverdige og tradisjonsrike bygningar smeltar fortid og notid saman i utstillingar med norske og internasjonale kunstuttrykk – side om side med lokal kulturarv. Opplev ein engasjerande visningsstad der kunst, idéar og menneske møtast med utsyn mot horisonten

Sjå utstillingane som visast akkurat nå

Kulturhistoriske utstillinger

I kjellaren til Jærhuset finn du utstillinga SPOR om steinalderen i regionen. Her kan du møte Viste-guten ansikt til ansikt - slik han kan ha sett ut når han levde for 8300 år sidan. Utforsk 9000 år gamle steinalderspor, eit samfunn i utvikling gjennom folkevandringstida, og opplev mystiske strandgraver ute mellom rullesteinane i havgapet. Ei sanseleg reise gjennom tid, landskap og menneskeliv, like fascinerande som ho er tankevekkjande.

Les meir om vår permanente utstilling SPOR

Strandgravfeltet

Rett ved prestegarden ligg eit av landets største strandgravfelt. Idag er det kring 60 gravrøyser som i tid strekk seg frå eldre romartid (ca 1 - 150 e.Kr.) og fram til vikingtid (ca 800 – 1050 e. Kr.). Dei fleste gravminna er frå folkevandringstida (ca. 300 – 550 e.Kr.) Røysene har ulik form og storleik, og nokre inneheld fleire graver.

Steinalderbuplassen

I tunet på prestegarden er det eit fornminneområde med 9000 år gammal busetnad. Funna frå dette området dannar grunnlaget for ei permanent utstilling om menneska og naturen på Hå i steinalderen. Les meir om utstillinga her SPOR - permanent utstilling om forhistoria på Hå.  

Kaféen på Hå gamle prestegard ligg i hovudhuset frå 1787, og er ein del av den kulturhistoriske opplevinga. Her får du både god mat, kunst på veggane, aviser og utsikt mot havet. Huset er heimekoseleg innreia med moderne kunst, tradisjonelle jærstolar og eige leikerom til dei minste.

Me serverer heimelaga mat basert på lokale råvarer av høg kvalitet – blant anna:

• Påsmurt brød med ost, pålegg, reker eller laks
• Heimelaga supper
• Heimebaka lefser, lapper, kaker
• Is og Siddis Gelato

Ingeborg Skrudland

Book lunsj hjå oss

På vekedagar kan du booka lunsj for grupper. Det passar godt for jobbmøte, kundebesøk eller dagar der de vil samlast i rolege omgjevnader.

Mange kombinerer lunsjen med leige av 1902‑huset på Obrestad fyr. Der får du flott havutsikt og gode lokale for små møte og samlingar.

Book lunsj

Kunstbutikken byr på eit variert og stadig fornya utval av biletkunst, keramikk, tekstil, glas og smykke frå profesjonelle norske og nordiske kunstnarar. 

Butikken passar godt når du treng gåver til konfirmasjon, bryllaup eller andre anledningar. Er du usikker på kva du skal velja, kan du kjøpa gåvekort som kan brukast i kunstbutikken, kafeen, bokhandelen og på utstillingane. Me hjelper deg gjerne med tips, råd og oversikt over teknikkar og kunstnarar, slik at du finn akkurat det du er ute etter. 

Les meir om kunstbutikken og utvalget

Fyrmuseum og skiftande utstillingar. Sjølve fyret står slik det var i 1991, når fyret blei automatisert og fråflytta. Inne på Obrestad fyr finn du informasjon om historia til Obrestad fyr og livet langs kysten. Museet fortel om fyrdrift, kvardagen til fyrvaktarane og korleis fyret har vore ein viktig del av navigasjonen langs Jærkysten gjennom generasjonar. Sjølve fyrlykta i fyrtårnet er ei fransk Fresnel- linse frå 1873, med firkanta, roterande linseelement. 

I 2006 kjøpte Hå kommune fyret av Kystverket. Eit mål med kjøpet er å bevare kulturen og historia til anlegget, og vise korleis fyr kan nyttast i nye samanhengar.  Sjølve fyrbygningen er i dag fyrmuseum og står slik det var i 1991. Obrestad fyr er eit fastlandsfyr og er ein del av Hå kommune sin kulturminnevernplan.

Fyrmuseet er kun ope i sommersesongen 6. juni - 6. september.

Natur og kultur 

Anlegget oppe ved fyret er freda og området sørover mot Obrestad hamn er verna. Området langs kysten har òg eit rikt fugleliv. Det er derfor forbode å fly drone i området i både sørgåande og nordgåande retning.      

Då fyret på Obrestad var i drift budde fyrvaktarane og familiane deira i husa oppe ved fyret. Husa er i dag brukt til utleige. Tre bueiningar kan leigast til overnatting og ein bustad kan leigast til seminar og selskap. Alle husa har unik utsikt, anten mot havet eller mot Høg-Jæren og vindmøllene. Fyret og bustadane har originale fasadar slik dei var i 1991 då dei blei flytta frå. Boligane er modernisert og nøkternt innreia med smakfulle og funksjonelle møbler.
Sjå overnatting for oversikt over bueiningane med prisar. 

Fyrmuseet og bustadane er drifta av Hå gamle prestegard.

Hå gamle prestegard og Obrestad fyr ligg langs Kystpilegrimsleia, den historiske reiseruta som følgjer kysten mot Nidaros. Her kan du gå, sykla eller oppleva delar av ruta i eit ope og dramatisk kystlandskap. Ruta går først langs den vestlandske hovudvegen fram til Ogna, og frå Hårr følgjer ho same trasé som Kongevegen. Hå gamle prestegard og Obrestad fyr er nøkkelstader på Kystpilegrimsleia. 

Stille rom og pilegrimspass

På Obrestad fyr kan du besøka Stille rom, eit ope og roleg rom som står tilgjengeleg heile døgnet. Her kan du stempla pilegrimspasset ditt, skriva deg inn i pilegrimsboka eller ta ei stille stund for deg sjølv.

Overnatting ved fyret

På grunn av nødvendig arbeid på bustadane på fyret vil det i ein periode vere stengt for booking av overnatting. Les meir om overnatting her